Onıñ qayd etkenine köre, "Dnipro yanındaki yönelişte duşman em ücüm areketlerini, em de ateşke tutmanı devam ete".
"Keçken künü (dekabrniñ 26-nda - QA) duşman Kozak adasına desant tüşürmege tırıştı. Lâkin muvafaqiyet qazanmadı, tehnikasını ğayıp etti", — dep ayttı spiker.
Voloşınnıñ aytqanına köre, "duşmannıñ ğayıpları arasında, hususan, qayıqlar, yaldağan vastalar ve şahsiy terkip".
Aslında Herson vilâyetiniñ sağ ve sol yalı bölüginden keçken Dnipro ağzındaki adalar arbiy areketlerniñ boz zonasında bulunalar. Rusiye quvetçileri olarnı nezaret altına almağa tırışa, çünki bu, sağ yalıda yerleşmege yardım etecek.
Rusiye arbiyleri Ukrayina regionlarına çeşit silâlardan muntazam surette ücüm ete.
Rusiye yolbaşçılığı, Rusiye ordusınıñ büyük cenk vaqtında Ukrayina şeerleri ve köyleriniñ grajdan infrastrukturasına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
