"2022 senesi seferberlikten qaçqan şübeli SNG devletlerinden biriniñ territoriyasına kelgen. Bundan soñ o Ukrayina Mudafaa nazirliginiñ Baş istihbarat idaresiniñ temsilcisi ile bağlanğan ve soñradan işke celp etilgen. Reberininiñ talimatınen erkek Qırımda istihkam yapılarını qurğan teşkilâtqa işke kirgen", - dep yazıla bildirmede.
Rusiyeniñ nezareti astında olğan Aqyarnıñ Lenino rayon mahkemesi erkekni SİZO-ğa yollağan.
Keçende Kremlniñ nezareti astında olğan Qırım Yuqarı mahkemesi Ukrayina vatandaşalrını casuslıq qabaatı ile 15 ile 16 yıl apis cezasına mahküm etti.
2014 senesinden başlap işğal etilgen Qırım ve Aqyarda eñ az 16 Ukrayina vatandaşı "cususlıq" ve "diversiya" qabaatları ile apis cezasına makhüm etilgen.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
