Aqyarda Rusiye quvetçileri yerli akinni "ekstremizm" ve "RF ordusını itibardan tüşürüv" qabaatı ile yaqaladı.
Şeerniñ Rusiye polisi haber etkeni kibi, 32 yaşındaki erkek içtimaiy ağlarındaki saifelerinde "RF Silâlı Quvetlerini itibardan tüşürgen" malümatnı darqata edi eken.
"Operativ tedbirler vaqtında İİN idaresiniñ Ekstremizm ile küreş merkeziniñ ve FSB idaresiniñ hadimleri qanun bozucı içtimaiy ağlarda qunun qoruyıcı organlarınıñ hadimlerine ve olarnıñ aile azalarına qarşı zulumğa ve diger ekstremist faaliyetke çağırğanını aşkâr ettiler", - dep bildirdiler Rusiye quvetçileri.
"RF Silâlı Quvetlerini itibardan tüşürüv" maddesi ile erkekke qarşı memuriy protokol tizilgen, "ekstremizm" qabaatı ile ise cinayet davası açılğan. Rusiye quvetçileri yaqalanğan kişi qabaatını tanığanını bildire.
Daa evel jurnalistler, Rusiye mahkemesiniñ 2022 senesi Rusiye Federatsiyası Ceza qanunnamesiniñ terrorcılıq, ekstremizm, vandallıq ve kütleviy nizamsızlıqlar maddeleri ile eñ çoq üküm çıqarğanını esaplağan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
