Yanvarniñ 24-nde saba saat 4-te işğal etilgen Qırımnıñ Canköy rayonınında Rusiye quvetçileri qırımtatarlarnıñ evlerinde tintüvler keçirip başladılar.
Tintüvler Nemse Canköy köyünde (Blijnegorodskoye) Ekrem Kroşnıñ, Timofeyevka köyünde Ayder Asanov ve Refat Seydametovnıñ, Çoqraqlı Şeyh Eli Osman Abdurazakovnıñ, Canköyde Löman Zekiryayev ve Halil Mambetovnıñ evlerinde keçirile.
Ekrem Kroş faal ve siyasiy mabüs Enver Kroşnıñ doğmuş ağasıdır. Osman Abdurazakov siyasiy mabüs, "Qırım musulmandarı" davasınıñ figurantı Edem Bekirovnıñ ağasıdır.
Ekrem Kroş ev tehkinasını yereleştire ve tamir ete, Löman Zekiryayev ve Osman Abdurazakov qurucılardır.
Rusiye quvetçileri Canköy rayonında tintüvler keçirilgeni aqqında açıq malümat bermeyler.
022 senesi dekabrniñ 15-nde, Canköy rayonınıñ Avuz Qırq (Medvedevka) köyünde qırımtatarı Mustafa Murahasnıñ evinde tintüv keçirildi – Rusiye uquq qoruyıcıları «yasaqlanğan şeylerni» qıdırdı. Berilgen malümatqa köre, Rusiye İç işler nazirliginiñ hadimleri Avuz Qırqnıñ sakinine silâ ve narkotik qıdırmağa kelgen eken. Rusiye uquq qoruyıcıları ev saibinen bağlı haber kelgen, evinde «yasaqlanğan şeyler» ola bile eken, dep bildirdi.
2022 senesi dekabrniñ 19-nda işğal etilgen Qırımnıñ Canköy rayonındaki Avuz Qırq köyünde rusiye quvetçileri üç qırımtatarnıñ evinde tintüv keçirgen. Faallerniñ haber etkenine köre, tintüvnler ağa-qardaş Ernest, Marlen ve Amet Ahayevlerniñ evlerinde olıp keçken.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
