Kefe civarındaki Primorskiy qasabasında rusiye quvetçileri Qırım yazıcısı Lilâ Osmanovanıñ evine keldi, dep bildire "Qırım birdemligi".
Osmanovanıñ malümatına köre, FSB hadimleri onıñ aqayını resmiy olmağan "subet"ke alıp ketecek ola. Bundan ğayrı, onıñ aytqanına köre, olarnı telefondan da "subet"ke davet ettiler, amma qoranta bunı red etti.
"Bugün saba FSB kapitanı Morozov öz areketlerini operativ-qıdıruv qanunınıñ 6-ncı maddesiniñ añlattı. Lilânıñ eşi - Remzi - kerekli vesiqalar olmazdan barmaqnı inkâr ete. FSB hadimleri "bir saattan politsiyanen" qaytmağa vade etti", - yazdı faal.
Qırım.Aqiqat tafsilâtnı bilmege tırışa.
Rusiye FSB-si şimdilik vaziyetni tefsir etmedi.
