Qırım ve Herson vilâyeti arasında memuriy sıñırda rusiye quvetçileri kene Qırim uquq qoruyıcısı Abdureşit Cepparovnı toqtattı. Bunı Qırım.Aqiqatqa advokat Mammet Mambetov aytıp berdi.
"Qırım memuriy sıñrında kene Abdureşit Cepparovnı toqtattılar ve endi bir saattan çoq tutalar", - denile beyanatta.
Cepparovnı Qırımda Ukrainanıñ qıta qısmına çıqqanda toqtattılar. Toqtatuvnıñ sebebi belli degil. Rusiye quvetçileri bu adiseniñ açıq tefsirini bermedi.
Oktâbrniñ 14-nde Qırımtatar Milliy Meclisiniñ reisiniñ muavini, Ukraina halq deputatı Ahtem Çiygoz Qırım ve Herson vilâyetiniñ memuriy sıñırında Rusiye sıñırcıları qırımlı aq qorçalayıcı Abdureşit Cepparovnı kene tuttı, dep bildirdi.
Oktâbrniñ 7-nde Cepparov işğal etilgen Qırımdan çıqqanda Rusiye sıñırcıları onı «Armânsk» keçiş noqtasında bir saatten ziyade tuttı.
Abdureşit Cepparovnıñ fikirince, oña qarşı "dosye azırlaylar".
