Qırımnıñ ğarbinde Rusiye memuriy-polis tedbirleri quvetleştirildi, dep bildirdi Ukrayına Silâlı quvetleriniñ Baş ştabı dekabrniñ 12-nde aqşam.
«Qırımnıñ Yarılğaç (Mejvodnoye) ve Aqmeçit (Çernomorskoye) qasabalarında Rusiye işğalci akimiyeti memuriy-polis ve qarşı istihbarat tedbirlerini faalleştirdi», – dep aytıla haberde.
Rusiye akimiyeti Ukrayına Silâlı quvetleriniñ Baş ştabı bergen malümatnı açıq şekilde izaatlamadı.
Dekabrniñ 11-nde Ukrayına Silâlı quvetleriniñ Baş ştabı Rusiye ordusı Dnipronıñ sol tarafında ve işğal etilgen Qırımnıñ şimalinde mudafaa sıñırlarınıñ fortifikatsion donatmalarını mükemmeleştire.
Noyabrniñ 18-nde Qırımnıñ Rusiye yolbaşçısı Sergey Aksenov Qırımda fortifikatsion inşaatlar qurula, dep tasdıqladı.
Avgusttan başlap Rusiye işğal etken Qırım ve Aqyarda aman-aman er kün patlavlar ola. Rusiye akimiyeti «Ukrayına uçucısızları», «ava mudafaa sistemasınıñ işi» ve Rusiye arbiyleriniñ talimleri bar, dep ayta.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
