Rusiye ordusı Qırımda Ukrayına ordusınıñ ücümini keri qaytarmağa azırlana, dep bildire Military Media Center (merkezniñ faaliyetini Ukrayına Mudafaa nazirligi koordinatsiya ete).
«Ola bilecek ücümni keri qaytarmaq içün işğalci ordu yarımadanıñ şimaliy, ğarbiy ve şarqiy taraflarında fortifikatsiya yapa», – dep aytıla haberde.
Military Media Center Rusiye Federatsiyasınıñ ordusı Qırım boyunlarınıñ imayesini quvetleştire.
«Azaq ve Qara deñizlerinde Rusiye ordusı gemilerine ve flot noqtalarına qarşı ücümlerine yol bermemek içün çalışa», – dep aytıla haberde.
Ukrayına Mudafaa nazirliginiñ Baş istihbarat idaresiniñ yolbaşçısı Kırılo Budanov «Farqlı insanlar» YouTube kanalına intervyü berip, Qırımnıñ işğalden azat etilüvi diger Ukrayına topraqlarınıñ azat etilüvine oşaycaq, Rusiye tarafdarları ise yarımadanı terk etecek.
Qırımnıñ Rusiye yolbaşçısı Sergey Aksenov fortifikatsiya ve mudafaa sayesinde yarımadanı işğalden azat etip olamaz, dep bildirgen edi.
Mayısnıñ 10-nda Azatlıq Radiosınıñ leyhası olğan Qırım.Aqiqatjurnalistleri 2014 senesi Rusiye tarafından işğal etilgen Qırım yarımadasınıñ Rusiye Federatsiyasınıñ 223 çalışqan, muvaffaq ve qapalı arbiy obyektleriniñ haritasını derc etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
