Rusiye Federatsiyasınıñ ordusı işğal etilgen Qırımda Ukrayınağa, hususan Kyivge ücüm etmek içün «Tsirkon» raketalarını yedekledi, dep bildirdi Cenüp mudafaa quvetleriniñ Birleşken koordinatsion matbuat hızmetiniñ reberi Natalâ Ğumenük Ukrayına milliy telemarafonı yayınında.
Onıñ aytqanına köre, Rusiye ordusı uzaq mesafeli – «Tsirkon» kibi – raketalarnı qullana bile dep, cenüpten ballistik ücüm telükesi olsa, şimaliy regionlarğa da ava telükesi signalı berilecek.
Ğumenük bildirgenine köre, bir qaç on raketanı Rusiye Qırımdaki military hubta tuta.
Martnıñ 25-nde saba Rusiye ordusı işğal etilgen Qırımdan Kyivg eki ballistik raketanen ücüm etti. Ukrayına Silâlı quvetleri bildirgenine köre, olarnı urıp tüşürgenler. Defense Express Ukrayına neşiriniñ talilcileri yazğanına köre, laf yañı «Tsirkon» Rusiye raketaları aqqında kete.
Delil ve şaatlıqlarğa baqmadan, Moskva büyük istilâ başlağanından berli Ukrayınada vatandaşlarğa darbe endirgenini red ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
