Qırımğa qarşı darbeler Rusiye Federatsiyasınıñ er angi subyektine qarşı ücüm olaraq qabul etilecek, dep ayttı Rusiye Federatsiyasınıñ ABD elçisi Anatoliy Antonov.
«Memuriyet vekillerini Qırımnen bağlı fikirlerinde raat olmasından, hususan Kyiv rejimine yarımadağa qarşı ava darbelerini endirmege «izin bergeninden» saqındırmağa ister edim. Hatırlatam, bu topraqqa qarşı darbeler Rusiye Federatsiyasınıñ er angi subyektine qarşı ücüm olaraq qabul etilecek. Müimi şu ki, Amerika Birleşken Devletleri Rusiye berece cevaplarını añlamalı», – dedi Antonov.
Rusiye Tış işler naziriniñ muavini Sergey Râbkov ABDniñ Kyivniñ Qırımğa qarşı ücümlerini izaatlap, Rusiye «buña yol bermemek içün çaresini tapacaq» dedi.
ABD prezidentiniñ milliy telükesizlik yardımcısı Jacob Sullivan CNN telekanalına intervyü berip, Amerika akimiyeti Ukrayına Silâlı quvetleriniñ Amerika silâsınen Qırımğa qarşı darbelerine qarşı çıqmaycaq, dep ayttı. «Ukrayınağa Rusiyege qarşı darbelerde Amerika ve ğarp silâsını qullanmağa imkân bermeycekmiz, dep ayttıq. Qırımnı ise Ukrayına dep sayamız», – dedi o.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
