Link açıqlığı

Saatnıñ esas haberi

Rusiye arbiy tehnikası Qırımdan esas Ukrainağa kete – Ukraina sıñırcılarınıñ videosı


Ukraina Devlet sıñır hızmeti Qırımdan esas Ukrainağa ketken Rusiye arbiy tehnikasınıñ videosını derc etti, dep haber ete Ukraina sıñırcıları.

«Al-azırda yarımadadan idariy sıñırdan arbiy tehnikanıñ ketkeni qayd etile», – dep aytıla haberde.

Bundan evel berilgen malümatqa köre, işğal etilgen Qırımdan Rusiye açqan ateş neticesinde bir Ukraina sıñırcısı elâk oldı.

Ukraina Devlet sıñır hızmeti, Ukraina devlet sıñırı Rusiye, Beyazrusiye ve işğal etilgen Qırım tarafından Rusiye ordularınıñ ücümine oğradı, dep bildirdi.

Fevralniñ 24-nde saba 5-te Rusiye prezidenti Vladimir Putin «DNR» ve «LNR» gruppirovkalarınıñ ricasından soñ Donbasta mahsus operatsiya başlana, dep bildirdi.

ABD prezidenti Joe Biden Rusiyeniñ Ukrainağa kerçekleştirgen «sebepsiz ücümini» takbih etti. Onıñ aytqanına köre, vaziyetni Beyaz Saraydan ve milliy telükesizlik hızmetiniñ muntazam haberlerini taqip etecek.

Ukraina prezidenti Volodımır Zelenskıy Cenk vaziyetini ilân etti.

Amerika istihbaratı Rusiye Ukrainağa ücüm ete bile, dep tenbilegen edi. Moskva Ukraina sıñırlarında tahminen 150 biñ arbiy ve tehnikanı topladı. Kreml, ücüm etecegini inkâr etken edi.

XS
SM
MD
LG