Rusiyede Qazan şeerinde 10-uncı sınıf gimnaziya talebesisınıfdaşlarını ve ocasını esir etmege istedi. Bu aqta Tatarstan İİN-ne esaslanıp Azatlıq Radiosı yazmaqta.
Acele hızmetken telefon etken bir talebeniñ ana-babalarınıñ sözlerinden, ösmürniñ
yanında pnevmatik pıştaf ve aş pıçağı bar edi. Amma keççe acele hızmetlerde “İnterfaks” rusiye haber agentligine bildirdiler ki, pıştaf mulâj edi.
Tatarstan İİN-nde aytıp bergenlerine köre, 17 yaşındaki genç sınıfqa kirip, oca masası başına oturdı ve pıştafnı sallap, özüni agressiv alıp barıp başladı. Onıñ iç bir talapları olmadı.
Onı mektepke kelgen polis hadimleri tutıp aldı. Vaqia neticesinde kimse yaralanmadı. Ücümciniñ sebepleri belli degil.
Talebeniñ ya da ana-babasınıñ tefsirleri şimdilik yoq.
