Müessise bildirgenine köre, bu sefer Rusiye arbiyleri uçucısızlarnı Ukrayına cenübinden uçurdı. Saat 20:35-te ava telükesi Odesa ve Mıkolayıv vilâyetlerinde ilân etilgen edi.
«Qara deñizden Odesağa doğru bir qaç «Shahed»! Tarafı deñişe bile», – dep yaza arbiyler.
Soñra Dnipropetrovsk ve Zaporijjâ vilâyetlerinde telüke ilân etildi.
Rusiye ordusı aqşamğa doğru Odesa vilâyetine dronlarnen ücüm etti, anda ava mudafaası çalışa. Şeerniñ mesken kvartallarında yanğın çıqtı, dep bildirdi Cenüpniñ mudafaa quvetleri.
Bundan ğayrı, Ukrayına Silâlı Quvetleriniñ ava quvetleri Harkiv ve Dnipropetrovsk vilâyetleri içün ballistik telükesi aqqında tenbiley.
Rusiye arbiyleri muntazam sürette Ukrayına topraqlarını ateşke tutalar. Delillerge baqmadan, Moskva bu darbelerniñ maqsadı Ukrayınanıñ arbiy infrater kibi olğanını iddia ete. Yaqında Ukrayına bir qaç büyük ücümge oğradı (em raketa, em darbe dronları qullanıldı. Neticede yüzlernen yaralanğan kişi bar, onlarnen insan elâk oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
