Link açıqlığı

Rusiye prezidenti Volodımır Putin Qırım ve Aqyarda memur ve devlet bücetinden maliye etilgen müessise hadimleriniñ aylıqlarını arttıruv aqqında emirni imzaladı.

Böyle bir malümat Rusiye Prezidentiniñ resmiy saytında yerleştirildi.

Vesiqağa binaen, Qırımda devlet büceti esasında çalışqan müessise hadimleriniñ aylıqları 2014 senesi aprelniñ 1-den başlap avgustnıñ 1-ne qadar Rusiye Federatsiyası boyunca orta aylıq seviyesine qadar ardı-sıra arttırılacaq.

Bundan sebep «Qırım ve Aqyar akimiyetlerine» devlet bücetinden maliye etilgen müessise hadimleriniñ aylıqlarını arttıruv aqqında qarar almaq, böyle hadimlerniñ kategoriyalarını, aylıq arttıruvınıñ şartları, miqdarı, sırasını belgilep, bücette buña lâzim olğan para ayırmağa tevsiye etile.
XS
SM
MD
LG