Link açıqlığı

İşğal etilgen Qırım sakinlerinden Rusiye pasportlarınıñ berilmesi içün 1,25 million ariza qabul etildi, 1 milliondan ziyade endi azır, 800 biñden ziyade berilgendir.

Bunı jurnalistlerge Rusiye Federal migratsion hızmetiniñ başı Konstantin Romodanovskiy bildirdi.

Onıñ bergen malümatına köre, nevbetler olğanı içün, vesiqalarnıñ qabul etüv noqtalarnıñ sayısı arttırıldı. Şimdi olarnıñ Qırımdaki sayısı tahminen 300. Yarımadada Federal migratsion hızmetiniñ biñden ziyade hızmetçisi çalışmaqta.

«Künde tahminen 20 biñ pasport azırlaymız. Ümüt etemiz ki, iyünniñ soñunda Qırım sakinleriniñ çoqusı olarnıñ Rusiye vatandaşlığını tasdiqlağan pasportlarını elde eter, – dedi Romodanovskiy. – Hatırlatam, mart 18 kününe qadar qayd etilgen sakinler Rusiye vatandaşları olaraq sayıla ve 3 ay devamında olarğa pasportlarnı bermeliler».

Romodanovskiy şunı da qayd etti ki, vesiqalar 30 biñ mektep talebelerinden de qabul etildi. İlk nevbette pasportlarnı aliy oquv yurtlarğa kirecek talebelerge berildi.
XS
SM
MD
LG