Rusiye Zaporijjâ vilâyetininiñ işğal etilgen qısmında arbiylerniñ sayısını arttıra. Bunı Melitopol şeeriniñ başı İvan Födoriv bildirdi.
"Soñki künlerde yañı bölüklerniñ kelmesini köremiz. Vaqtınca işğal altındaki Melitopolden 5 kilomtr uzaqlıqta olğan Obilnoye qasabasına Cenübiy Ösetiyadan bölüklerni yerleştireler. Mıhaylivkada hususiy evlerden birinden adamlarnı çıqartıp, olarnıñ yerine arbiylerni yerleştireler. Melitopolde kazarmalar içki zavodı esasında donatıllar", - dep bildirdi Födorov.
Födorov, Rusiye Qırımğa qara koridorını imaye etmek içün arbiylerini Zaporijjâğa köçüre, dep saya.
Keçenlerde Ukrayina Silâlı Quvetleriniñ Baş ştabı keçken afta qarşı ücüm vaqtında ukrayin arbiyleri Melitopol ve Berdânsk yönelişlerinde bir kilometr ilerilegenlerini bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
