Link açıqlığı

Saatnıñ esas haberi

Rusiye Qırımdan eñ az 250 Ukrayina vatandaşını qanunsız alda tuta — Skrıpnık


Olğa Skrıpnık
Olğa Skrıpnık

Eñ azından 250 Ukrayina vatandaşı işğal etilgen Qırımda ve Rusiye Federatsiyasında uydurılğan davalar boyunca apiste yata. Yarımadanıñ territoriyasında qanunsız askerlikke celp etüv devam ete, jurnalist ve faaller ise uzaq Rusiye koloniyalarına çıqarıla. Bunı Qırım aq qorçalayıcı gruppasınıñ idare reisi Ölğa Skrıpnık "İşğal etilgen Qırım: 2024 senesi Rusiye kimni ve ne içün taqip etti" matbuat konferentsiyası vaqtında bildirdi.

"Qabaatlavlar tek quvetleşe. Nezaretimizden ve vesiqalarımızdan körgenimiz kibi, repressiyalarğa oğrağan insanlarnıñ çoqusı "diverssiya", "casuslıq", "devlet hainligi" degen yalan qabaatlavlarnen qabaatlana. Bu, işğal etilgen Qırımda vatandaşlarnı taqip etüvniñ eñ tarqalğan aletlerinden biridir", — dedi Skripnik.

Ukrayinalılarnıñ çoqusı siyasiy sebeplerden apiste yata. Olar Aqmescitteki üç tahqiqat izolâtorından keçti, soñra Rusiyege çıqarıldı, anda sahte "makeme esnasları" devam ete, dep qoştı aq qorçalayıcı.

Basqılarnıñ qurbanı olğan qadınlarnıñ taqdirini ayrıca qayd etti.

"Bugünge qadar, malümatımızğa köre, bizler Rusiye Federatsiyasınıñ apishanelerinde bulunğan eñ az 17 vatandaş qadınnı taptıq. Bu qadınlar ya Qırımdan, ya Herson vilâyetinden, ya da Zaporijjâ şeerinden. Olarnıñ episi, hususan, vatandaşlar, pek yaramay aldalar, tibbiy yardımğa muhtaclar, bazıları ağır hastalıqlarnen, şu cümleden onkologiya ile hastalar", — dep qayd etti Skrıpnık.

Basqılar qırımlı jurnalistlerge de tesir etti. Şimdiki vaqıtta 18 qırımlı jurnalist, bloger ve vatandaş jurnalisti azatlıqtan marum etildi. Olarnıñ aman-aman episi Rusiye territoriyasında buluna.

Rusiye Federatsiyası qırımlılarnı öz Silâlı quvetlerine qanunsız celp etmege devam ete. 2024 senesi Rusiye akimiyeti yarımadada eki qanunsız askerlikke aluv kampaniyasını keçirdi.

Umumen, qayd etilgeni kibi, Rusiye akimiyeti cinaiy davalarnı basqı aleti olaraq qullanmağa devam ete. Bundan eñ çoq qırımtatarlar zarar köre — 108 insan, esasen bu cemiyetniñ vekilleri, uydurılğan qabaatlavlar boyunca maküm etildi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG