Rusiye işğal etken Qırımdan Kalançak demiryol stantsiyasına arbiy yedeklernen 17 vagon kelip çıqtı. Bunı "Cenüp" Ukrayina operativ komandanlığı haber ete.
"Ameliyat zonamızda duşman çatışma safta tank, namlu silâ ve reaktiv toplar ateşine tutuvnı toqtatmay. Şahsiy eyyetiniñ rotatsiyasını keçirmege ve arbiy yedeklerniñ teslimatını temin etmege tırışa. Ordusınıñ maddiy-tehnikiy teminatı çerçivesinde muvaqqat işğal etilgen Qırımdan Kalançak demiryol stantsiyasına arbiy yedeklernen 17 vagon kelip çıqtı. Quvetlerini quvetleştirmek içün Habarovsktan ilâve quvetler kelip çıqtı. Amma işğalcilerniñ maneviyatı pek bozuq ve olar yengil yaralanıp, Rusiyege qaytmak içün çareler qıdıralar", - dep yazıla bildirmede.
Arbiy areketler sebebinden malümatnıñ teşkerilmesi imkânsızdır.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
