Rusiye işğal altındaki Qırımda tutulğan hersonlı balıqçılar Ruslan Kondratük ve Andrey Morozovnı azat etti, dep bildirdi Ukraina Yuqarı Radasınıñ insan aqları vekâletlisi Lüdmila Denisova Facebookta.
Bu aqta Denisovağa Rusiye ombudsmeni Tatyana Moskalkova bildirdi.
«İlk añlaşmalarımız çerçivesinde işğal etilgen Qırımda tutulğan eki hersonlı balıqçı Ruslan Kondratük ve Andrey Morozov ve qayıqları azat etilgenini bildirdi. Olar 2018 senesi sentâbr ayında Qırımnıñ Çürük Sivaş gölüniñ yalısında motor bozulğanı içün motor qayığını iskelege yanaştırğanda Rusiye FSBsiniñ sıñırcıları tarafından tutulğan edi. Şimdi olar Herson vilâyetine tuvğanlarına kete», – dep yazdı Denisova.
Qırım.Aqiqat tafsilâtlı malümat almağa tırışa.
Denisovanıñ malümatını tasdıqlaycaq diger menbalar şimdilik yoq.
