Mında qayd etile ki, Ukrayina akimiyeti Rusiye tarafından resurslarnıñ hırsızlanması aqqında çoqtan berli haber ete.
Britaniya istihbaratınıñ malümatına köre, Rusiye Ukrayinanıñ işğal etilgen qısmında naqliyat infrastrukturasını eyileştirmege tırışqanınıñ bir sebebi, Ukrayinanıñ faydalı qazıntılarını daa çoq çıqarmaq istey. Zaporojjâ vilâyetindeki Rusiye işğalci memurlarından biri, Rusiye ile avtomobil ve demiryol naqliyat alâqalarınıñ abadanlaştırıluvı ve qurulması tek arbiy logistika içün degil de, em de aşlıq ve faydalı qazıntılarnıñ ihracatı içün de yollarnı eyileştirecek, dep bildirgen edi.
"Ukrayina Zaporojjâ vilâyetinde Dniprorudnıy şeerinden cenüpte Rusiye faydalı qazıntılarnı çıqarmağa devam ete, ve madenni demiryol vastasınen alıp kete. Poyezdler Qırımdan, Keriç köpründen Rusiyege kete. Bu areketler telükelidir, çünki trenler ücüm içün mesüliyetini öz boynuna alğan ukrayin partizanları areket etken rayonlardan keçmek kerekler", — dep qayd ete Büyük Britaniya Mudafaa nazirligi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
