Rusiyede mahsus hızmetler, tahqiqat ve mahkemeden saqlanğan insanlarnıñ sayısı rekord seviyesine çıqtı. 2025 senesiniñ soñunda Rusiyede böyle gizlengenlerniñ sayısı 114 408 kişi oldı, dep bildire "Vörstka" İç işler nazirliginiñ malümatını derc etip, bu raqam bıltırğa köre aman-aman 31 biñ 400 kişi ziyade ola. Yani bir yılda qıdırılğanlarnıñ sayısı 37,8 fayız artıp, eñ az soñki 17 yılnıñ rekordını yaptı.
2024 senesi İç işler nazirliginiñ bazasında qıdırılğanlarnıñ sayısı tek 5,1 fayız (4 biñ insan) artqan edi. Bu soñki 16 yılda birinci kere edi. 2008 senesinden berli bu raqam toqtamayıp eksildi: 2008 seyenesi 225,8 biñ insan qıdırılğan olsa, 2023 senesiniñ soñunda tek 79 biñ kişi qıdırıla edi.
Rusiye uquq qoruyıcı sistemasınıñ mütehassısı, Qarabağnıñ Serbest sanat ve ilim fakultetiniñ professorı Kirill Titayev "Vörtska" ile subette qıdırılğanlarnıñ sayısı köç siyaseti deñişkeni ve "kontrol etilgen şahıslarnıñ cedveli" başlatılğanı içün arta, dep ayttı.
