Rusiyede prezident Vladimir Putin ile «doğru hat» başladı. O, vatandaşlarnıñ suallerine cevap bere. Beş yıldan berli tedbirde ilhaq etilgen Qırım da iştirak ete.
Rusiye kütleviy haber vastalarınıñ malümatına köre, bu sene qırımlılar Putinden mesken-kommunal hocalığı, naqliyat infrastrukturası ve ilâc teminlevi problemlerinen bağlı cevaplar alacaq ola.
«Doğru hatnı» «Pervıy», «Rossiya 1», «Rossiya 24», «NTV», «OTR», «Mir» telekanalları, «Mayak», «Vesti FM» ve «Radio Rossii» radioları canlı yayınlamaqta.
Rusiyeniñ cemaat fikrini ögrenüv merkeziniñ soravına köre, rusiyelilerniñ 75 fayızı yayınnı baqmağa niyetlene.
