Rusiye merkeziy saylav komissiyası Rusiye Federatsiyası prezidentiniñ saylavlarına «dost olmağan» memleketlerden közetcilerni davet etmeycek. Bu aqta komissiya azası Pavel Andreyev «İzvestiya» neşirine bildirdi.
«Merkeziy saylav komissiyası tek qarşı agentlerine davetname yollay – diger memleketlerde ve halqara saa teşkilâtlarına saylav organlarına. Dost olmağan memleketlerniñ saylav organlarını biz davet etmedik», – dep ayttı Andreyev.
Onıñ aytqanına köre, bir çoq devlet prezident saylavlarında çalışacaq közeticilerini yollamağa istey, amma «Rusiyege yol logistikası şimdi adiy degil».
Rusiye Merkeziy saylav komissiyası közetüvde Mustaqil devletler ittifağı memleketleri, Sırbistan, Venesuela, Bangladeş, Zimbabve ve daa bir qaç Afrika ve Asiya memleketi iştirak etecek, dep tarif etken edi.
Rusiye Devlet duması ve Rusiye Federatsiya Şurası «İzvestiya» neşirine bildirgenine köre, olar da «dost olmağan» memleketlerden közeticilerni davet etmege planlaştırmay. Bu cedvelde 49 devlet, şu cümleden Avropa Birligi, ABD, Büyük Britaniya, Avstraliya ve Yaponiya memleketleri bap.
Rusiye prezidenti saylavlarınıñ rey berüvi 2024 senesi martnıñ 15-nden 17-ne qadar keçirilecek. Rusiye Merkeziy saylav komissiyası 11 namzetni köstermege izin berdi, namzetler arasında Vladimir Putin bar.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
