Qırımda Anğara boğazında narkotik sarhoşlığı alâmetlerinen "Aqmescit - Yalta" trolleybusınıñ aydavcısını tutıp aldılar, dep bildire Rusiye İçki İşler nazirliginiñ Qırım idaresi.
"Başta aydavcını tam çızıqnı ötkeni ve qarşı tolaqqa çıqqanı içün toqtattılar, soñra ise sarhoşlıq alâmetleri köründi", - denile beyanatta.
Bildirüvge köre, aydavcı baqınuvdan vazgeçti. Oña qarşı Rusiye Memuriy qanun bozuqlıqları Kodeksiniñ 12.26 maddesiniñ 1 qısmına köre protokol tizildi. Bu madde boyunca eñ büyük ceza - 30 biñ rublelik cöreme ve naqliyat aydamasına eki yılğa qadar yasaq.
Aydavcı aytqanı kibi, dep bildire müessise, bu künniñ arefesinde o naşa içti. Bütün yolcularnı endigi trolleybusqa oturttılar. Şimdilik aydavcı boyunca malümat mahkemege berildi.
