Böyle allardan biri sentâbrniñ 4-nde olğan. Qırım universitetiniñ mezunına evine işğal polisi kelgen. Arbiy komissarlıq poliske soratma yollağan. Çünki oğlan universitetni bitirgen soñ arbiy komissarlıqqa kelmegen.
"QırımSOS"qa böyle allar tek olmağanı belli. İşğal polisiniñ hadimleri mezunlarnıñ evlerine ve iş yerlerine kele ekenler.
Evel ''QırımSOS'' işğal etilgen Qırımnıñ bazı şeerlerinde arbiy komissarlıqlarnıñ vekilleri cami çıqışlarında celpnameler bereler, dep bildirgen edi.
Ukrayina milliy tirenüv merkezi bildirgenine köre, Qırımnıñ Rusiye akimiyeti gizli içtimaiy tedqiqat keçirip, yerli sakinlerniñ seferberlikke menfiy baqqanını kösterdi.
Ukrayina Mudafaa nazirliginiñ Baş istihbarat idaresiniñ yolbaşçısı Kırılo Budanovnıñ Azatlıq Radiosınıñ leyhası Qırım.Aqiqatqa bergen intervyüsında qayd etkenine köre, Rusiyede seferberlik bitmedi, anda daa 450 biñ insannı seferber etüv baqıla.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
