Rusiyede Gelencik civarında Arhipo-Osipovka köyüniñ plâjında dron tüşkeninden altı raatlanğan kişiniñ (üçü bala) ölümi qayd etildi. Bu aqta Krasnodar ülkesiniñ valisi Veniamin Kondratyev bildirdi.
Memur tahminen 40 kişi yaralandı, dep bildirdi. Rusiye Sağlıq nazirligi 17 kişiniñ hastahanege alınğanını bildirdi, aralarında balalar bar.
Astra neşiri uçucısız tüşmesiniñ video ve fotoresimini derc etti: anda uçaq çeşitli dron raatlanğanlar çoq olğan plâjğa tüşe. Atış sesleri eşitile, neşir olarnı ava mudafaasınıñ işi olaraq tasnif ete.
"Agentstvo" yazğanına köre, dronnıñ plâjğa tüşmesine urulğanı sebep ola bilir – bu aqta neşirge Conflict Intelligence Team tedqiqat gruppasınıñ vekili ayttı. Videoda dron tüşip başlağanda silâ sesi yoq ola.
Aynı vaqıtta Kondratyev Ukrayinanı "arbiy infrastrukturağa iç bir alâqası olmağan barışıqsever ealige qarşı Kyiv rejiminiñ darbesinde" qabaatladı. Ukrayina tarafı bu haberni şimdilik izaatlamadı.
İçtimaiy ağlarda yerli sakinler ve turistler dron ücüminden evel bir ilân olmadı, ava telükesi olmadı, insanlar plâjdan tahliye etilmedi.
"Post" Telegram kanalı yazğanına köre, darbe iş adamı Mihail Prohorov adına halq arasında "Prohorovskiy" dep adlandırılğan plâjğa endirildi. Resmiy adı "Nornikel". "Post" şaatlarnıñ malümatına esaslanıp yazğanına köre, eki uçucısız bar edi, bir danesini urıp oldılar. Bu malümat tasdıqlanmadı. Derc etilgen videoda bir uçucısız köründi.