Rusiyeniñ gece saatlarında energetika infraterkibiniñ obyektlerini ateşke tutmasından soñ Odesada kritik infraterkip obyektlerinden ğayrı bütün istimalcılar içün elektrik enegriyası kesildi.
Em şeerde, em vilâyette elektrik ile bağlı vaziyet ağırdır. Biñlerce adam elektrik energiyasız qalmaqta.
Dekabrniñ 10-nda saba ukrayin arbiyleri Odesa vilâyetine kamikadze dronları ile ücüm etilgenini bildirdiler. Zarar körgenler aqqında malümat yoq.
Herson vilâyetinde de 2,5 abonent elektriksiz qaldı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
