ABD milliy istihbaratınıñ fikirince, Rusiye Kremlde seslendirilgen telükelerge baqmadan, özek silâsını qullanmaycaq, dep haber ete «Amerikanıñ Sesi».
İstihbarat müdiri Evril Heyns silâlı quvetler senat komitetiniñ diñlevlerinde Rusiyeniñ qararına Ukrayınada körgen büyük zararları tesir etmeycek, dep qayd etti.
Amerika resmiy şahısları bir qaç ay devamında Rusiyeniñ özek silâsını qullanmağa azırlanğanını körmey, amma diqqat etmege devam eteler, dep bildirdi.
Fevral ayında Rusiye prezidenti Vladimir Putin ABD ve Rusiye arasındaki soñki özek silâ añlaşması olğan SNV-3 añlaşmasında iştirakini toqtata, dep ilân etti. Vesiqa er bir tarafnıñ yerleştire bilecek strategik silâ sayısını sıñırlamaqta.
Amerika cenkni tedqiq etüv institutınıñ talilcileri Kreml Ukrayınanıñ qarşı ücümi arfesinde Ğarpnıñ arbiy yardımına mania olmaq içün özek qorquzuvlarını qullanmağa tırışa, dep qayd etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
