Rusiye öz topraqlarına Ukrayina Silâlı Quvetleri tarafından ücümlerge "qatlanmalı olacaq", dep bildirdi Almaniya Mudafaa naziri Boris Pistorius.
Pistoriusnıñ sözlerine köre, cenk vaqtında ücümge oğrağan taraf "duşmannıñ toprağına" kirme aqqına saiptir, şu cümleden teminat yollarnı kesmek içün de. Bu "tamamınen normaldir", dep qayd etti o.
"Şeerlerge, grajdanlıq obyektlerine, silâsız adamlarğa ücüm etilmegence buña qatlanmaq kerek olacaq", - dedi o.
ABD Qırımnı Rusiye tarafından büyük bir arbiy bazağa ketirilgen Ukrayina toprağı olaraq saya ve Ukrayina tarafınıñ Qırım yarımadasındaki Rusiye arbiy obyektlerine darbe endirmesine qarşı degil. Bunı ABD Devlet kâtibiniñ muavini Viktoriya Nulad bildirgen edi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Yarımadada yüksek (sarı) terror telükesi bar. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
