Rusiye Ukrayina ile aytışuvlarda öz şartlarını qabul ettirecek vaziyette degil. Bunı noyabrniñ 14-nde Ukrayina TİN spikeri Oleg Nikolenko dedi.
"Ukrayinanıñ barışıq formulası deñişmez olaraq qalır: cenkniñ deral toqtatılması, bütün Rusiye ordusınıñ çıqarılması, Ukrayina topraq bütünliginiñ ğayrıdan tiklenilmesi, ketirilgen zararnıñ ivaz etilüvi ve tecavuznıñ tekrarlanmaycağına dair tesirli kefaletler berilüvi. Akis aldı turğun barışıq olamaz", – dep yazdı Nikolenko.
Evel Moskva temsilcileri cenkniñ toqtatılması içün aytışuvlarğa azır olğanını bildirdiler. Amma RF ordusınıñ Ukrayinadan çıqarılması şartını qabul etilmez adlanlandırğan ediler.
Ukrayina Silâlı Quvetleriniñ soñki aftalarda elde etken strategik muvafaqiyetleri vaziyetinde türlü memleketlerniñ erbapları aytuşuvlarnıñ mümkünligi aqqında sıq-sıq aytıp başladılar.
Herson ve vilâyetniñ bir qısmı rusiye arbiyleri tarafından martnıñ başında işğal etildi. Noyabrniñ 11-nde Ukrayina Mudafaa nazirligi Herson Ukrayina ordusınıñ nezareti altına qaytqanını ilân etti. Şeerniñ merkezinde Ukrayina bayrağını köterdiler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
