Rusiye ordusı saban ayınıñ 5-ne keçken gecesi Ukrayinağa 155 "Şahed", "Gerbera", "İtalmas" ve diger tiplerdeki ücüm uçaqları ile ücüm etti, dep bildire saban ayınıñ 5-nde Ukrayina Arbiy ava quvetleriniñ komandanlığı.
Atışlar Rusiyeniñ Brânsk, Kursk, Millerovo ve Primorsk-Ahtarsk, işğal etilgen Qırımnıñ Sarabuz ve Çauda burnundan yapıldı, dep bildire Ukrayin arbiyleri.
İlk malümatqa köre, saat 08:00-ge qadar ava mudafaası 136 duşman dronunı urıp tüşürdi, dep aytıla haberde.
Ukrayina arbiy-deñiz quvetleri sekiz yerde 18 dtonnıñ urğanını, üç yerde ise parçalar tüşkenini qayd etti.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.