Bugün gece Rusiye Federatsiyası kene Ukrayina cenübine ücüm etti. Ücüm neticesinde Odesa ve Mıkolayiv zarar kördi.
"Rusiyeliler şeerniñ merkezine darbe endirdiler. Garaj ve üç qatlı mesken ev yanmağa başladı... Episi olıp 18 adam zarar kördi, olardan 9-ı hastahanege yatqızıldı. Hastahanege alınğanlar arasında 5 bala bar. Eki kişi dağıntılar astından qurtarıldı", - dep bildirdi Vitaliy Kim.
Odesa vilâyetiniñ arbiy memuriyetiniñ yolbaşçısı Oleg Kiper ücüm neticesinde Odesanıñ merkezinde yıqıluvlar bar, dep bildirdi.
"300 kvadrat metr meydanında yanğın peyda oldı. Qaza yerinde mütehassıslar çalışa. Eki kişi hastahanege yatqızılğan. Vilâyet de zarar kördi, tafsilâtlı malümat birazdan olacaq", - dep qayd etti o.
İyülniñ 19-na keçken gecesi Rusiye Ukrayinağa raketa ve dronlarnen ücüm etti – Odesada patlavlar aqqında haber etildi. Ukrayina Silâlı quvetleriniñ Baş ştabı bildirgenine köre, iyülniñ 19-na keçken gecesi Rusiye Federatsiyası Ukrayinağa qarşı 6 «Kalibr» qanatlı raketasını ve 35 dronnı qullandı. Bütün raketa ve dronlar yoq etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
