Ukraina Silâlı quvetleriniñ Baş ştabı martnıñ 23-nde Rusiyeniñ Ukrainağa kerçekleştirgen ücümi başlağanından berli Rusiye ordusınıñ ğayıpları aqqında bildirdi.
Bu malümatqa köre, Rusiye 15 600 arbiyini coydı, ve:
- 517 tank
- 1578 zırhlı maşina
- 267 top sisteması
- 80 toplu ateş sisteması
- 47 ava mudafaa sisteması
- 101 uçaq
- 124 vertolet
- 1008 maşina
- dört gemi /kater
- 70 yanıcı-yağlayıcı tsisternası
- 35 operativ-taktik seviyeli uçucısız uçuş cihazı
- 15 mahsus tehnika.
The New York Times neşiri bildirgenine köre, Amerika istihbaratınıñ esaplarına köre, Rusiye Ukrainağa ücüm etkeninden berli 7 biñden çoq Rusiye arbiyi elâk oldı. Bu 20 yıl devamında Iraq ve Afğanistanda öldürilgen Amerika askerleriniñ sayısından daa çoq.
Rusiye daa az arbiyi ölgenini ayta. Rusiye Mudafaa nazirligi Rusiye ordusından vefat etkenlernen bağlı malümatnı tek bir kere, martnıñ 2-nde, seslendirdi. Müessise malümatına köre, Ukrainada 498 Rusiye arbiyi elâk oldı, daa 1597 kişi yaralandı.
Rusiye Mudafaa nazirligi Rusiye ordusından vefat etkenlernen bağlı malümatnı tek bir kere, martnıñ 2-nde, seslendirdi. Müessise malümatına köre, Ukrainada 498 Rusiye arbiyi elâk oldı.
Rusiyeniñ Ukrainağa qarşı cenki 28 künden berli devam ete. Rusiye bunı «askeriysizleştirüv ve denatsifikatsiya operatsiyası» dep adlandıra.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: d3hzcgsd893cx5.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
