Ukraina Silâlı quvetleri Baş ştabı Rusiye ordusınıñ esas maqsadları martnıñ 11-nde Kyiv ve Mariupol qala.
Bundan ğayrı, Ukraina arbiy reberliginiñ bildirgenine köre, Rusiye ordusı Krıvıy Riğ, Kremençug, Nikopol ve Zaporijjâ yönelişinde de ilerilemege tırışa.
Berilgen malümatqa köre, «bir çoq cenk ğayıpları» ve cenk maqsadlarına irişmek imkânsız olğanından Rusiye ordusı elverişsiz sıñırlarda qalmağa tırışa, Dnipro, Lutsk ve İvano-Frankivskke raketa-bomba darbelerini endirmege tırışa.
Ukraina arbiyleriniñ malümatına köre, Volınde arbiy ve vatandaş infrastruktura obyektlerinde diversiyalar telükesi qala.
Ukraina ordusı qayd etkenine köre, o, Rusiye ordusını zapt etilgen Kyiv vilâyetindeki meskün yerlerinden çekilmesine zorladı ve Donetsk yönelişinde duşmannıñ ücümini yavaşlattı.
Martnıñ 11-nde saba Rusiye ordusı Lutsk uçaq alanına, İvano-Frankivsk ava limanına ve Dniprodaki Novokodakskiy rayonına darbe endirdi.
Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti. Bundan soñ Kyiv, Harkiv, Odesa, Kramatorsk, Berdânskta patlav ve raketa darbeleri aqqında haber etildi.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Doğrudan ücümge baqmadan, Kreml Ukraina işğali niyetini inkâr ete. Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire.
Rusiye Mudafaa nazirligi Ukraina tarafınıñ tüşürilgen Rusiye uçaqları, patlatılğan zırhlı tehnika, Rusiye arbiyleriniñ ölümleri aqqında malümatını red ete ve Ukraina şeerlerine ateş açılmay, dep bildire. Başta Rusiye arbiyleri ölgenini inkâr ettiler. Amma fevralniñ 27-nde Rusiye Federatsiyası Mudafaa nazirliginiñ resmiy vekili İgor Konaşenkov Ukrainada ölgen ve yaralanğan Rusiye askerleri bar, dep ayttı. Sayısını aytmadı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
