İşğal etilgen Qırımda yıl başından "Rusiye ordusını itibardan tüşürüv" (Rusiye Federatsiyası Memuriy uquq bozuvları kodeksiniñ 20.3.3) maddesine istinaden 58 memuriy dava açıldı, dep aytıla Ukrayina prezidentiniñ Qırım Muhtar Cumhuriyetindeki temsilciliginiñ malümatında. Müessise yazğanına köre, martnıñ 23-ne qadar 1715 dava qayd etildi.
"2026 senesi martnıñ 23-ne qadar vaqtınca işğal etilgen Qırımda Rusiye Federatsiyası Memuriy uquq bozuvları kodeksiniñ 20.3.3 maddesine istinaden "Rusiye Federatsiyası Silâlı quvetlerini itibardan tüşürüv" boyunca 1715 adise qayd etildi. 1577 davada para cezası ya da umumiy qararlar çıqarılğan dava birleştirilüvine qarar berildi. 24 davanıñ tahqiqatı devam ete. Qararlarnıñ 53%-ında (837) qadınlar, 47%-ında (738) erkekler aqqında aytıla", – dep aytıla haberde.
Hatırlatamız, 2025 senesi dekabrniñ 31-ne qadar Ukrayina prezidentiniñ Qırım Muhtar Cumhuriyetindeki temsilciligi "Rusiye ordusını itibardan tüşürüv" maddesine istinaden 1657 memuriy dava qayd etildi, dep bildirdi.
Daa evel Ukrayina prezidentiniñ Qırım Muhtar Cumhuriyetindeki temsilciligi, Roskomnadzor Rusiye Federatsiyası tarafından işğal etilgen Ukrayina topraqlarında, şu cümleden Qırımda, informasion boşluq üzerinde nezaretni quvetleştire, dep bildirdi.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı qırımlı bloger Aleksandr Talipov öz telegram kanalında Ukrayinağa qoltutqan qırımlılarnıñ şahsiy malümatlarını derc ete. Böyle şikâyetlerniñ neticesinde qırımlılar RF ordusını "itibardan tüşürüv" içün yaqalana ve memuriy ve cinaiy mesüliyetke çekile.
Rusiyede ve onıñ tarafından işğal etilgen topraqlarda quvetçiler Ukrayina tarafdarlarını taqip eteler. Rusiye tarafdarı qırımlı bloger Aleksandr Talipov öz telegram kanalında Ukrayinağa qoltutqan qırımlılarnıñ şahsiy malümatlarını derc ete. Böyle şikâyetlerniñ neticesinde qırımlılar RF ordusını «areketsizleştirgenleri» içün yaqalana ve memuriy ve cinaiy mesüliyetke çekile.