«Mahkeme dava malümatını er taraftan baqtı, qabaatını yımşatqan sebep (çağına yetmegen eki balası bar) ve qabaatını ağırlaştırğan bir şey olmağanına esaslanaraq, Krasnoperekopsk sakinini Rusiye Federatsiyasınıñ Silâlı quvetlerini itibardan tüşürgeninde qabaatlı tanıp, 40 biñ ruble para cezasını berdi», – dep aytıla haberde.
Berilgen malümatqa köre, Telegram çatlarında «Ukrayına silâlı birleşmelerini şereflendirgen edi».
KrımSOS teşkilâtı bildirgenine köre, Rusiyeniñ Ukrayınağa qarşı büyük cenki başlağanından Qırımda Rusiye akimiyeti Rusiye ordusınıñ «itibardan tüşürüv» şübhesinen 612 qarar çıqardı. Eñ az 52-si 2024 senesiniñ yanvar ve feral aylarında çıqarıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
