Rusiyeniñ Zaporijjâ vilâyetindeki penitentsiar müessiselerinden birine endirgen darbesi neticesinde 16 insan elâk oldı, 35 kişi yaralandı, dep bildirdi iyulniñ 29-nda saba vilâyetniñ arbiy memuriyet yolbaşçısı İvan Fedorov.
«Gece duşman Zaporijjâ vilâyetine sekiz kere ateş açtı, ilk malümatqa köre, FABlarne. Ceza koloniyasına da ücüm etti. 16 kişi elâk oldı, 35 insan yaraladı. Yaralanğanlarğa kerekli tibbiy yardım kösterile», – dep yazdı Fedorov Telegramda.
Onıñ aytqanına köre, müessise binaları, mustaqil evler zarar kördi.
Rusiye arbiyleri Ukrayina regionlarına çeşit silâlarnen muntazam sürette ücüm ete.
Rusiye yolbaşçılığı, Rusiye ordusı Ukrayinanıñ şeer ve köyleriniñ grajdan infrastrukturasına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
