Rusiye ordusı iyülniñ 7-ne keçer gecesi Ukrayınağa Rusiyeniñ Krasnodar ülkesi tarafından Shahed-136/131 dronlarınen ücüm etti, dep bildirdi Ukrayına Ava quvetleri.
«Umumen 18 «şahed» qayd etildi. Cenübiy ve şarqiy regionlarda ava mudafaası çalıştı», – dep aytıla haberde.
Ava mudafaa quvetleri 18 uçucısızdan 12-sini yoq etti, dep qoşa komandanlıq. Dnipropetrovsk vilâyetiniñ arbiy memuriyet yolbaşçısı Serğiy Lısak vilâyetinde dron parçalarınıñ tüşmesi neticesinde eki insan elâk oldı, dep bildirdi.
Rusiyeniñ Lvivge qanatlı raketalarnen darbe endirmesi neticesinde çoq qatlı mesken evniñ üç kirişinde eki üst qatı, mektep ve ofis kompleksi yoq etildi. 10 kişi elâk oldı, 42 şeer sakini yaralandı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
