Rusiye ordusı avgustnıñ 16-na keçer gecesi Kursk vilâyetinden Ukrayinağa «İskander-M» üç ballistik raketası, Shahed üç darbe uçucısızı ve eki dronnen ücüm etti, dep bildirdi Ukrayina Ava quvetleri komandanı, general-leytenant Mıkola Oleşçuk.
«Mudafaa quvetleri ve radioelektron küreş vastalarınıñ ava uruşları neticesinde Poltava, Jitomir, Kirovograd, Odesa ve Mıkolayıv vilâyetlerinde duşmannıñ bütün uçucısızları urıp tüşürildi», – dep yazdı o, Facebookta avgustnıñ 16-nda saba.
Rusiye arbiyleri Ukrayina regionlarına çeşit silâlardan muntazam surette ücüm ete. Delil ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Avgustnıñ 4-nde Ukrayina silâlı quvetleriniñ Ava küçleri eki buçuq yıl içinde sekiz biñden çoq Rusiye ava nişanı yoq etildi, dep bildirdi.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayeti olaraq tasnif etip, belli maqsadları bar, dep qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
