Rusiye ordusı mayısnıñ 14-ne keçer gecesi işğal etilgen Qırımdan Ukrayinağa «İskander-M/KN-23» ballistik raketasınen ve 145 Shahed darbe uçucısızınen ve taqlit uçucısızlarınen Rusiyedeki Brânsk, Kursk, Orel, Şatalov, Millerovo ve Primorsko-Ahtarsktan ücüm etti, dep bildirdi Ukrayina Silâlı quvetleriniñ Ava küçleri.
«Saat 9:00-ğa qadar memleketniñ şarqı, şimali, ğarbi ve merkezinde 80 Shahed uçucısızınıñ urıp tüşürilgeni tasdıqlandı. 42 duşman taqlit uçucısızı coyuldı (menfiy aqibetsiz)», – dep aytıla haberde.
Ukrayina arbiyleriniñ aytqanına köre, ücüm neticesinde Sumı, Harkiv, Odesa, Kirovoğrad ve Donetsk vilâyetleri zarar kördi.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, tınç ealini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
