Ukrayina Silâlı quvetleriniñ Ava küçleri bildirgenine köre, yanvarniñ 21-ne keçer gecesi Rusiye ordusı işğal etilgen Qırımdan "İskander-M" ballistik raketasınen ve Rusiyeniñ farqlı yönelişlerinden işğal etilgen Donetskten ve Qırımdaki Çavda burnundan tahminen 70-i "Şahed" olğan 97 darbe uçucısızınen ücüm etti.
Ava mudafaası 84 uçucısıznı zararsız alğa ketirdi, dep bildire Ukrayina Silâlı quvetleriniñ Ava küçleri.
Ukrayina arbiyleri 11 yerde ballistik raketa ve 13 darbe uçucısızınıñ ücümini, bir yerde ise urıp tüşürilgen (parçalarnı) qayd etti.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
