Rusiye ordusı Ukrayına topraqlarına kene ateş aça, Ukrayına akimiyeti fevralniñ 7-nde saba Kyiv, Harkiv, Droğobıç ve Mıkolayıvde patlavlar aqqında bildire.
Harkiv vilâyetiniñ arbiy memuriyet yolbaşçısı Oleg Sinegubov bildirgenine köre, Harkivde Rusiye darbesi sebebinden kimse oturmağan infrastruktura zarar kördi, yaralanğanlar aqqında malümat yoq.
Lviv vilâyetiniñ arbiy memuriyet yolbaşçısı Maksım Kozıtskıy Droğobıçte patlavlar aqqında bildirdi. Vilâyetniñ arbiy memuriyeti darbe aqibetleri aqqında haber etmey.
Mıkolayıvde raketa ücümi neticesinde eñ az 20 mesken ev zarar kördi, yaralanğanlar bar, dep bildirdi şeer yolbaşçısı Oleksandr Senkeviç.
«Zarar körgen mesken evler bar. 20-si damsız qaldı. Gaz ve suv hatları zarar kördi – kommunal hızmetler çalışa. Yaralanğanlar bar. Bir kişi hastahanege alındı. Digerlerine o yerde yardım aldı», – dep yazdı o, Telegramda.
Patlav sesleri Kyivde de eşitile, Kyiv şeer arbiy memuriyei ava mudafaasınıñ işi aqqında bildirdi. Patlavlardan birinden soñ paytahtnıñ Dnipro rayonında parçalar tüşkenini haber etkenler.
Rusiye arbiyleri muntazam sürette Ukrayına topraqlarını ateşke tutalar. Delillerge baqmadan, Moskva bu darbelerniñ maqsadı Ukrayınanıñ arbiy infrater kibi olğanını iddia ete. Yaqında Ukrayına bir qaç büyük ücümge oğradı (em raketa, em darbe dronları qullanıldı. Neticede yüzlernen yaralanğan kişi bar, onlarnen insan elâk oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
