Ukrayina Silâlı quvetleri saat 09:30-da Harkiv, Poltava, Sumı, Çerniğiv, Çerkası, Kyiv, Dnipropetrovsk, Donetsk, Mıkolayıv ve Odesa vilâyetlerinde 115 Shahed darbe uçucısızı ve diger uçucısızlarnıñ urıp tüşürilgenini tasdıqlay.
Daa 55 imitator uçucısızı coyuldı (menfiy aqibetleri olmadı).
Rusiye ücümi neticesinde Kyiv, Odesa, Dnipropetrovsk ve Harkiv vilâyetleri zarar kördi.
Rusiye arbiyleri çeşit silâlardan Ukrayina regionlarına muntazam sürette ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
