Qırımtatar halqınıñ lideri Mustafa Cemilevniñ bildirgenine köre, Rusiye Federatsiyasınıñ ordusı erkânında 40 qırımtatarı elâk oldı, 22-si apiste yatqan edi. Bu aqta o, «Apostrof» neşirine bergen intervyüsında ayttı.
«Rusiyeliler ordusına qoşulmağa mecbur etken qırımtatarlarnıñ sayısına dair tam malümatımız yoq. Yaqında bir İsrail neşirine bergen intervyümda öldürilgen 40 qırımtatarı aqqında ayttım. 22-si – qorquzuvlar sebebinden cebege ketmege razı olğan Qırımdaki apishanelerden mabüsler, altı kişi vade etilgen büyük para istedi, qalğanları ise Rusiyeniñ «qısmiy seferberlikke» oğrağanlar», – dey Cemilev.
O, cebege Rusiye vatandaşları olmağanlarnı yollamaq tendentsiyası tek Qırımda degil, umumen Rusiyede bar.
Ukrayina prezidentiniñ Qırım Muhtar Cumhuriyetindeki temsilciliginiñ malümatına köre, Rusiyeniñ Ukrayinağa qarşı büyük istilâsı başlağanından berli işğal etilgen Qırımda eñ az 800 Rusiye arbiyi defin etildi.
Rusiye Ukrayina ile cenkte zararlarını aydınlatmay. Jurnalistlerniñ malümatına köre, Rusiyeniñ Ukrayinağa qarşı büyük istilâsı başlağanından cebede eñ az 61009 Rusiye arbiyi elâk oldı, hususan seferber etilgen 7663 kişi, 9532 göñülli ve 12238 mabüs.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
