Qırımtatar Milliy Meclisiniñ reisi Refat Çubarov Rusiye Federatsiyasınıñ ordusı Qırımdaki arbiy tehnikasını Ukrayına ordusınıñ ücümi beklenilgen yerlerge avuştırdı, dep bildirdi.
«Canköy rayonında Avuz Qırq (Medvedevka) köyü yaqınlarında tehnika, hususan Rusiye işğalci ordusı toplanğan büyük meydançıq yapıldı. Er kes o tehnikanıñ birden ğayıp olğanını kördi», – dedi Çubarov FREEDOM kanalınıñ yayınında.
Onıñ qayd etkenine köre, Rusiye ordusı Qırımğa kirişlerini pekitmege tırışıp, mudafaağa azırlana.
«Ve Geniçesk rayonında olğanlar, Şimaliy Qırımda olğanı kibi, Rusiye işğalcileri çatışma yerinde fortifikatsion inşaatlarnı qurmağa devam ete», – dep ayttı Meclis reisi.
Qırım.Aqiqat ve «Shemı» leyhasınıñ jurnalistleri soñki aylarda Rusiye ordusı Canköy rayonınıñ Avuz Qırq köyünden arbiy tehnikasını çıqardı, dep bildirgen edi.
Uydu fotoresimleri tehnika çıqarılğanını bildirgen Amerika iş institutınıñ tış ve mudafaa siyaseti tedqiqatları bölüginiñ talilcisi Bredi Afrikniñ malümatını tasdıqlay. O, Avuz Qırq civarlarında qoyulğan donatma ve mudafaa inşaatları aqqında haber etken edi. Afrik qayd etkenine köre, Rusiye ordusı tek Avuz Qırqta degil, bütün Qırımda bir qaç pekitüv inşaatını qurdı.
Qırım.Aqiqat bildirgenine köre, Rusiye ordusı Qırım şimalinde yañı inşaatlar qura ve okoplar qaza, arbiy ve strategik obyektlerni imaye ete.
Qırımnıñ Rusiye yolbaşçısı Sergey Aksenov fortifikatsiya ve mudafaa sayesinde yarımadanı işğalden azat etip olamaz, dep bildirgen edi.
Fevralniñ 24-nde Ukrayına prezidenti Volodımır Zelenskıy memleket Qırımnıñ işğalden qurtarmasına azırlana, dep ayttı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
