Link açıqlığı

Saatnıñ esas haberi

Rusiye ordusı Odesağa raketalarnen ücüm ete – şeer akimiyeti


Odesa, 2022 senesi mart ayı
Odesa, 2022 senesi mart ayı

Rusiye ordusı Odesadaki infrastruktura obyektlerine raketa darbesini endirdi, dep haber ete şeer şurasınıñ matbuat hızmeti.

«Odesağa raketa darbesi endirildi. İnfrastruktura obyektleri zarar kördi. Foto ve video paylaşmañız, duşmanğa yardım etmeñiz», – dep aytıla haberde.

Şeer şurası malümat şimdi teşkerile, dep qoştı. Tafsilâtlı malümat daa yoq.

Aprelniñ 23-nde Ukraina Silâlı quvetleriniñ Baş ştabı bildirgenine köre, Rusiye ordusı Donetsk ve Lugansk vilâyetlerini tolu kontrol altına almaq ve bu yer ile işğal etilgen Qırım arasında qara yol yapmaq içün Şarqiy operatsiya alanında ücüm areketlerini kerçekleştire. Zaptçılar arbiy ve vatandaş infrastruktura obyektlerine raketa-bomba darbelerini endirmege devam ete, dep qayd etti Ukraina Silâlı quvetleriniñ Baş ştabı.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG