Rusiye ordusı gece Odesağa eki kere darbe dronlarınen ücüm etti, dep bildirdi vilâyetniñ arbiy memuriyet yolbaşçısı Oleğ Kiper.
Onıñ aytqanına köre, ücüm neticesinde eki insan yaralandı.
«Ava mudafaa sisteması duşmannıñ ücümlerini qaytarsa da, ne yazıq ki, Odesada sanayı obyekti, mesken evler ve vatandaş infrastrukturası zarar kördi», – dep yazdı o, Telegram kanalında.
Şeer akimiyeti Odesanıñ Primorskiy ve Hacibey rayonlarında mesken evler zarar kördi, dep bildirdi.
Yanvarniñ 24-nde aqşam Odesada dronlarnıñ ücüminden soñ yanğın çıqtı, dep haber etildi.
Rusiye arbiyleri muntazam sürette Ukrayına topraqlarını ateşke tutalar. Delillerge baqmadan, Moskva bu darbelerniñ maqsadı Ukrayınanıñ arbiy infrater kibi olğanını iddia ete. Yaqında Ukrayına bir qaç büyük ücümge oğradı (em raketa, em darbe dronları qullanıldı. Neticede yüzlernen yaralanğan kişi bar, onlarnen insan elâk oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
