Rusiye ordusı bazarertesi künü aqşam Odesağa raketa darbelerini endirdi. Vilâyetniñ arbiy memuriyet yolbaşçısı Oleg Kiper bildirgenine köre, eki barışıqsever sakin elâk oldı. 20 insan yaralandı, aralarında 12 yaşında oğlançıq bar.
Mesken evler ve vatandaş infrastrukturası zarar körgenler. Odesa uquqiy akademiyasınıñ Studentler sarayında yanğın çıqtı.
Ateş aqqında bazarertesi künü Harkiv vilâyetiniñ yolbaşçısı Oleg Sinegubov bildirdi. Eki insan yaralandı – erkek ve qadın.
Rusiye Ukrayınağa er kün ateş aça. Rusiye Mudafaa nazirligi tek arbiy yerlerge darbe endire, dep bildire. Rusiye komandanlığı barışıqsever sakinlerniñ ölümini ve vatandaş infrastrukturasınıñ zarar körgenini izaatlamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
