Rusiye ordusı Mıkolayıv vilâyetiniñ Oçakiv şeerine ücüm etti, dep bildirdi vilâyetniñ arbiy memuriyet yolbaşçısı Vitaliy Kim yanvarniñ 9-nda.
Onıñ qayd etkenine köre, açılğan ateş neticesinde hastahane zarar kördi, lâkin anda kimse yaralanmadı.
«Sekiz yaralanğan kişi ketirildi, üçü Mıkolayıvge alıp ketirildi», – dep yazdı memur Telegram kanalında.
Vilâyet şurasınıñ yolbaşçısı Anna Zamazeyeva saat 17:10-da yaralanğan doquz kişi aqqında malümat bar, dep qoştı.
Daa evel Harkiv vilâyetiniñ Şevçenkovo qasabasına raketalardan ateş açılğanı belli oldı, neticede eki qadın elâk oldı. Bir qaç kişi yaralandı, aralarında 10 yaşında qızçıq da bar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
