Mıkolayıvde aprelniñ 10-na keçer gecesi Rusiye uçucısızlarınıñ darbesinden soñ on insan yaralandı.
Eki kişi yaralandı, 29 yaşında qadın ve 59 yaşında er kişi, orta seviyeli yaralarnen hastahanege alındı, dep bildirdi vilâyetniñ memuriyet yolbaşçısı Vitaliy Kim.
Uçucısızlar doquz çoq daireli ev, üç maşina, on garaj ve memuriy binağa zarar ketirdi. Evlerden birinde daire yandı.
Kim yazğanına köre, tüşürilgen dron parçalarından ve patlav dalğasından doquz çoq daireli ev, üç maşina, otuz garaj ve memuriy bina zarar kördi. Beş qatlı binalardan birinde daire yandı.
Dronlar Kyivge de ücüm etti, dep haber ete Ukrayina Devlet fevqulâde vaziyetler hızmeti. Eki qadın yaralandı, amma hastahanege alınmadı. Darbeler neticesinde mustaqil evler, anbarlar ve maşinalar zarar kördi.
Rusiye ordusı Ukrayinağa 145 Shahed uçucısızı ve farqlı uçucısızlarnı uçurdı. 85-i urıp tüşürildi, dep haber ete Ukrayina Silâlı quvetleriniñ Ava küçleri; daa 49 uçucısız coyuldı.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
